| Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
| <<Cic. Luc. 94 | Cic. Luc. 96 () | >>Cic. Luc. 98 |
95Quid quod eadem illa ars quasi Penelopae [Note] telam [Note]
retexens tollit ad extremum superiora : utrum ea
vestra an nostra culpa est ? nempe fundamentum dialecticae est , quidquid enuntietur (id autem appellant
ἀξίωμα , quod est quasi ecfatum [Note]) aut verum esse aut
falsum . quid igitur haec vera an falsa sunt : 'si te
mentiri dicis idque verum dicis , mentiris * verum [Note]
dicis '? haec scilicet [Note] inexplicabilia esse dicitis ; quod
est odiosius quam illa quae nos non conprehensa et
non percepta dicimus [Note] — sed hoc omitto , illud quaero :
-- Quo modo igitur hoc conclusum esse iudicas : 'si dicis nunc lucere et verum dicis , <lucet ;
dicis autem nunc lucere et verum dicis ;> [Note] lucet igitur '?
probatis certe genus et rectissime conclusum dicitis
itaque in docendo eum primum concludendi modum
traditis . aut quidquid igitur eodem modo concluditur
probabitis , aut ars ista nulla est . vide [Note] ergo hanc conclusionem probaturusne sis : 'si dicis te mentiri [Note] verumque dicis , mentiris ; dicis autem te mentiri verumque
dicis ; mentiris igitur '. qui potes [Note] hanc non probare ,
cum probaveris eiusdem generis superiorem ? haec
Chrysippea sunt , ne ab ipso quidem dissoluta . quid
enim faceret huic conclusioni 'si lucet , <lucet ;> [Note] lucet
autem ; lucet igitur '? cederet scilicet ; ipsa enim ratio
conexi cum concesseris superius cogit inferius concedere . quid ergo haec ab illa conclusione differt 'si
mentiris , mentiris ; mentiris autem ; mentiris igitur '?
hoc negas te posse nec adprobare nec inprobare ; qui
igitur magis illud ? si ars si ratio si via [Note] si vis denique
conclusionis valet , eadem est in utroque .
ch. 30
| Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
| <<Cic. Luc. 94 | Cic. Luc. 96 () | >>Cic. Luc. 98 |
